chhattisgarh : कर्रानाला म स्टापडेम बने ले 20 किसान मन ल मिलीन हे सिंचाई के सुविधा, 25 एकड़ म सिंचाई बर मिले ल लगीन पानी, पढ़व
जय जोहार। छत्तीसगढ़ (chhattisgarh) सरकार के फ्लैगसिप योजना म सामिल सुराजी गांव योजना के नरवा, गरूवा, घुरवा, बाड़ी कारीकरम ले स्थानीय प्राकृतिक संसाधन ल सहेजे के संग ओखर सदुपयोग सुनिश्चित होय हे। एखर ले ग्रामीण जनजीवन अउ अर्थव्यवस्था म बदलाव के एक ठीन नवा दौर सुरु होय हे। नरवा विकास कारीकरम के सेती प्राकृतिक नाला के आवश्यता के अनुसार उपचार कर जल संरक्षण, भू-जल संवर्धन अउ सिंचाई बर उपयोगी बनाय जावत हे।
(chhattisgarh) राज्य म बीते तीन ठीन बच्छर म 2477 प्राकृतिक नाला (नरवा) ल उपयोगी बनाय के उद्देश्य ले 614 करोड़ रुपिया के लागत ले उपचार काम के अंतर्गत विविध संरचना के निर्माण करे गेहे । जेखर सेती उपचारित नाला म अब मार्च-अप्रैल तक जल भराव रहे ल लगान हे । एखर ले ग्रामीण मन ल निस्तार के संगेसंग किसान ल पम्प के माध्यम ले सिंचाई सुविधा घलो मिले ल लगीन हे ।
नरवा विकास कारीकरम के सेती नाला म व्यर्थ बहत पानी ल रोके म मदद मिले हे । (chhattisgarh) जांजगीर-चांपा जिला के वनमंडल चांपा म कैम्पा मद ले बलौदा विकासखंड के ग्राम गतवा के कर्रानाला म 34.55 लाख रुपिया के लागत ले स्टॉप डेम के निर्माण ल कराय गेहे । ए स्टॉप के बन जाय ले नाला के किनारे के 20 किसान मन ल लगभग 125 एकड़ म सिंचाई सुविधा मिले ल लगे हे ।
