corona : प्रदेस म आज मिले हे कोरोना के 20 नवा मरीज, रईपुर म घलो 6 पॉजिटिव

जय जोहार… (corona) प्रदेस म आज कोरोना के 20 नवा मरीज सामने आय हे। उहें 9 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, रईपुर ले 6, बलौदाबाजार ले 2, महासमुंद ले 1, कोरबा ले 1, कोरिया ले 3, जशपुर ले 1, बस्तर ले 2, दंतेवाड़ा ले 1 अउ आन राज्य ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 406 हो गे हे, जेमा ले 266 एक्टिव मामला हे। उहें 9 लाख 92 हजार 552 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13588 मरीज के जान चले गेहे।