Corona: छत्तीसगढ़ म फेर मिलिस 20 नवा कोरोना के मरीज, एक दिन म सबले जियादा 39 संक्रमित मन के होइस पहचान

जय जोहार…. छत्तीसगढ़ म शुक्रवार के कोरोना (corona) के अब तक के सबले जियादा मामले सामने आय हे। दिन म 19 मरीज मन के मिले के बाद देर शाम के 20 नवा कोरोना (corona) संक्रमित मरीज मन के पहचान होय हे। ए 20 मरीज मन के संग प्रदेश म कोरोना (corona) के सक्रिय संक्रमित मन के संख्या ह बाढ़ के 109 हो गे हे।

आज जेन नवा मरीज मिले हे, ओमा बालोद जिला म चार, कवर्धा म पांच, राजनांदगांव म 2, गरियाबंद म तीन, दुर्ग म 2 अऊ बलौदाबाजार जिला म चार नवा मरीज शामिल हे।

रायपुर एम्स ह ट्वीट कर कहिन कि जेन 20 नवा मरीज मिले हे, ओमा ले 18 ल रायपुर एम्स अऊ 2 ल राजनांदगांव म भर्ती करे जाही। वर्तमान म एम्स म 26 मरीज ह इलाज करवात हे।