corona : प्रदेस म बीते 24 घंटा म मिले हे कोरोना के 20 नवा मामला, रईपुर म घलो 2 पॉजिटिव

जय जोहार… (corona) प्रदेस म बीते 24 घंटा म कोरोना के 20 नवा मरीज सामने आय हे। उहें 31 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 5, रईपुर ले 2, बलौदाबाजार ले 2, बिलासपुर ले 1, कोरबा ले 5, जांजगीर -चांपा ले 4, बस्तर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 847 हो गे हे, जेमा ले 219 एक्टिव मामला हे। उहें 9 लाख 92 हजार 056 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13572 मरीज के जान चले गेहे।