Corona: राज्य म देर रात मिले हे कोरोना के अउ 20 नवा मरीज

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। सोमवार देर रात के कोरोना के 20 नवा मरीज के पुष्टि होय हे। एला मिला के सोमवार के कोरोना के 198 नवा मरीज के पहचान होय हे।

आज देर रात जेन कोरोना (corona) के नवा मरीज मिले हे, ओमा सूरजपुर ले 9, रायपुर अउ महासमुंद ले 3-3, धमतरी अउ रायगढ़ ले एक-एक मरीज शामिल हे।

बता देन कि प्रदेश म कोरोना (corona) संक्रमित मरीज मन के कुल संख्या ह बाढ़ के 9820 पहुंच गे हे। जेमा ल 2503 एक्टिव मामला हे, जेखर प्रदेश के अलग-अलग कोविड अस्पताल म इलाज चलत हे।

उहचे 7256 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 61 लोगन मन के मौत हो गे हे।