Corona: देश म एक दिन म बाढ़ीस कोराना के 20 हजार नवा मामले, कुल संक्रमित मन के संख्या ह सवा छह लाख ले जियादा

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना मरीज मन के कुल संख्या ह 6.25 लाख ले जियादा हो गे हे। पिछिले 24 घंटा में कोरोना के 20 हजार नवा मामले के पहचान होय हे।
केंद्रीय मंत्रालय ले आंकड़ा के मुताबिक देश म अब कोराना (corona) संक्रमित मरीज मन के कुल संख्या ह 6 लाख 25 हजार 544 पहुंच गे हे। जबकि एक्टिव मरीज मन के संख्या ह 2 लाख 27 हजार 439 हो गे हे।

ऊहचे 3 लाख 79 हजार 891 लोगन मन ह कोरोना (corona) ल मात दे के अपन घर लहुट चुके हे। ए वायरस ले देश म अब तक 18213 लोगन मन के मौत हो गे हे।

बता देन कि देश म गुरुवार के कोरोना के 19148 नवा मामले सामने आय हे। जबकि 434 लोगन मन के मौत हो गे हे।