corona: देश म पिछिले 24 घंटा म बाढ़ गे 20 हजार नवा मामला, पढो पूरा खबर

जय जोहार…. (corona) देश म बीते 24 घंटा म कोरोना के 20 हजार ले जादा नवा मामला पाय गे हे। उहचे 21131 संक्रमित ल बने होय के बाद अस्पताल ले डिस्चार्ज कर दे गे हे। जबकि ए दौरान 279 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 20 हजार 21 मरीज मिले हे। एला मिला के देश म कोरोना संक्रमण के मामला ह 1 करोड़ 1 लाख हो गे हे। जेमा ले 2 लाख 77 हजार एक्टिव मामला हे।

उहचे 97 लाख 82 हजार लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 47 हजार 901 लोगन मन के मौत हो गे हे।