देश म पिछले 24 घंटा म सबले जियादा 2003 मरीज मन के होइस मौत, 10974 लोगन मन म संक्रमण के होइस पुष्टि

जय जोहार…. भारत म कोरोना संक्रमित मरीज मन के संख्या म सरलघा इजाफा होवत जावत हे। पिछले 24 घंटा म कोरोना ले सबले जियादा 2003 मरीज मन के मौत हो गे हे।

जबकि 10974 लोगन मन म संक्रमण के पहचान होय हे। एखर संग भारत म संक्रमित मरीज मन के संख्या ह 3.5 लाख ले जियादा हो गे हे। ऊहचे मृतक के संख्या ह 12 हजार के करीब पहुंच गे हे।
स्वास्थ्य मंत्रालय के ओर ले जारी आंकड़ा के मुताबिक देश म कोरोना वायरस के कुल मरीज मन के संख्या ह बाढ़ के तीन लाख 54 हजार 65 हो गे हे। महाराष्ट्र म सबले जियादा एक लाख 13 हजार कोरोना संक्रमित पाय गे हे। इहां 24 घंटा म 2701 मामले दर्ज होय हे, जेन पिछले सात दिन म सबले कम आकड़ा हे।

दूसर तरफ कोरोना ले चौथइया सबले प्रभावित राज्य गुजरात म कोरोना वायर से कुल 524 नए केस सामने आय हे, जबकि कुल केस ह बाढ़ के 24628 हो गे हे।