corona: सरलघा बाढ़त जावत हे कोरोना, राज्य म मिले हे 2017 नवा मरीज, राजधानी म घलो 654 पाजिटिव

जय जोहार…. राज्य म कोरोना (corona) संक्रमित मन के संख्या ह सरलघा बाढ़त जावत हे। राज्य म आज कोरोना के 2017 नवा मरीज के पहचान होय हे। उहचे 979 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 15 लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 654, दुर्ग ले 197, राजनांदगांव ले 190, बिलासपुर ले 173, जांजगीर ले 110, रायगढ़ ले 82, कोरबा ले 72, सरगुजा ले 48, सूरजपुर ले 46, सुकमा ले 44, धमतरी ले 43, बलौदाबाजार ले 40, बालोद ले 39, कोरिया ले 36, बीजापुर ले 36, महासमुंद ले 35, गरियाबंद ले 33, बलरामपुर ले 27, मुगेली ले 19, कांकेर ले 17, कबीरधाम अऊ नारायणपुर ले 15-15, दंतेवाड़ा ले 10, बस्तर अऊ कोंडगांव ले 9-9, जशपुर ले 7, बेमेतरा ले 3 नवा मरीज शामिल हे।

बता दन कि प्रदेश म कोरोना (corona) संक्रमित मरीज मन के कुल संख्या ह बाढ़ के 47280 पहुंच गे हे। जेमा ले 24708 एक्टिव मामला हे। उहचे 22177 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 395 लोगन मन के मौत हो गे हे।