Corona: देश म बीते 24 घंटा म सामने आय हे 2046 नवा मामला, पढो पूरा खबर
जय जोहार…. प्रदेश म पिछिले 24 घंटा म कोरोना (corona) के 2046 नवा मरीज मन के पहचान होय हे। उहचे 287 मरीज मन ल अस्पताल अऊ 1730 ल होम आइसोलेशन ले डिस्चार्ज कर दे गे हे। जबकि इलाज के दौरान 6 लोगन मन के मौत हो गे हे।
मंगलवार के जेन कोरोना (corona) के नवा मरीज मिले हे, ओमा दुर्ग ले 107, राजनांदगांव ले 149, बालोद ले 55, बेमेतरा ले 46, कबीरधाम ले 47, रायपुर ले 177, धमतरी ले 68, बलौदाबाजार ले 83, महासमुंद ले 50, गरियाबंद ले 37, बिलासपुर ले 73, रायगढ़ ले 206, कोरबा ले 223, जांजगीर-चांपा ले 184, मुंगेली ले 20, गौरेला-पेंड्रा-मरवाही ले 5, सरगुजा अऊ कोरिया ले 40-40, सूरजपुर ले 66 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 1 लाख 79 हजार 654 पहुंच गे हे। जेमा ले 22 हजार 093 एक्टिव मामला हे। उहचे एक लाख 56 हजार 080 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 1881 लोगन मन के मौत हो गे हे।
