Corona: प्रदेश म पिछिले 24 घंटा म होय हे 2048 नवा मरीज के पहचान, राजधानी म घलो 227 पाजिटिव

जय जोहार…. (Corona) प्रदेश म बीते 24 घंटा म कोरोना के 2048 नवा मरीज पाय गे हे। उहचे 1402 लोग मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 24 मरीज मन के मौत हो गे हे।

पिछिले 24 घंटा म जेन (Corona) नवा मरीज मिले हे, ओमा राजधानी ले 227, रायगढ़ ले 219, जांजगीर-चांपा ले 209, कोरबा ले 200, राजनांदगांव से 142, दुर्ग ले 132, बिलासपुर ले 129, बालोद ले 119, बलौदाबाजार ले 94, महासमुंद ले 68, धमतरी ले 64, कबीरधाम ले 61 नवा मरीज शामिल हे।

बता देन कि प्रदेश म कोरोना (Corona) संक्रमण के मामला ह बाढ़ के 2 लाख 15 हजार 413 पहुंच गे हे। जेमा ले 18 हजार 770 एक्टिव मामला हे। उहचे 1 लाख 93 हजार 997 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2646 लोगन मन के मौत हो गे हे।