जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।
प्रदेश म आज कोरोना के 205 नवा मरीज के पहचान होय हे। उहचे 258 मरीज मन ह कोरोना ले जंग जीत गे हे,
जेखर बाद ओ मन ल डिस्चार्ज कर दे गे हे। जबकि इलाज के दौरान दू मरीज के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 83, दुर्ग ले 32, बस्तर ले 18, राजनांदगांव ले 16, महासमुंद ले 13, रायगढ़ अउ बलौदाबाजार ले 9-9, जशपुर ले 5, सरगुजा अउ नारायणपुर ले 4-4, जांजगीर-चांपा, कांकेर अउ आन राज्य ले 2-2, बेमेतरा, कबीरधाम, गरियाबंद, बिलासपुर, सूरजपुर अउ कोण्डागांव ले 1-1 मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह बाढ़ के 10407 पहुंच गे हे। जेमा ले 2465 सक्रिय मामला है, जेखर मन के अलग-अलग कोविड अस्पताल म इलाज चलत हे।
उहचे 7871 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अभ तक 71 लोगन मन के मौत हो गे हे।
