corona : प्रदेस म आज मिले हे कोरोना के 205 नवा मरीज, रईपुर म घलो 21 संक्रमित

जय जोहार… (corona) प्रदेस म आज कोरोना के 205 नवा मरीज सामने आय हे। उहें 340 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 22, राजनांदगांव ले 5, बालोद ले 1, बेमेतरा ले 1, कबीरधाम ले 2, रईपुर ले 21, धमतरी ले 25, बिलासपुर ले 14, रायगढ़ ले 17, कोरबा ले 6, जांजगीर-चांपा ले 3, मुंगेली ले 1, गौरेला-पेंड्रा-मरवाही ले 7, सरगुजा ले 14, कोरिया ले 7, सूरजपुर ले 10, बलरामपुर ले 13, जशपुर ले 14 , बस्तर ले 2, कोंडागांव ले 11, दंतेवाड़ा ले 1, कांकेर ले 6, नारायणपुर ले 1, बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 49 हजार 402 होगे हे, जेमा ले 3404 एक्टिव मामला हे। उहें 11 लाख 31 हजार 977 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14021 मरीज के जान चले गेहे।