Corona: प्रदेश म पिछिले 24 घंटा म मिले हे 2061 नवा मामला, राजधानी म घलो 248 पाजिटिव

जय जोहार…. प्रदेश म पिछिले 24 घंटा म कोरोना (corona) के 2061 नवा मरीज के पहचान होय हे। उहचे 1287 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 10 लोगन मन के मौत हो गे हे।

प्रदेश म बीते 24 घंटा म जेन कोरोना (corona) के नवा मरीज मिले हे, ओमा रायपुर ले 248, कोरबा ले 196, रायगढ़ ले 168, जांजगीर-चांपा ले 157, राजनांदगांव ले 129, बिलासपुर ले 128, बालोद ले 121, सरगुजा ले 97 मरीज शामिल हे।

बता देन कि प्रदेश म कोरोना (Corona) संक्रमित मरीज मन के संख्या ह 2 लाख 25 हजार 497 पहुंच गे हे। जेमा ले 21 हजार 926 एक्टिव मामला हे। उहचे 200825 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2746 लोगन मन के मौत हो गे हे।