जय जोहार…. धमतरी जिला म फेर 21 हाथी (elephent) के दल ह दस्तक दे दे हे। ए हाथी दल ह इतवार शाम गरियाबन्द जिला ल पार कर के मगरलोड ब्लाक म पहुंच गे हे। एखर बाद मोहेरा अऊ जलकुंभी होवत हुये मड़वापथरा तक आ गे हे।
हाथी के दल के आय ले ग्रामीण मन म दहशत के माहौल हे। एखर जानकरी मिले म वन विभाग के तरफ ले मनादी करा दे गे हे। ए संबंध म रेंजर आरएन पांडे ह बताइस कि पिछिल बार जेन हाथी (elephent) के दल ह आय रहिस, ये दल ह फेर धमतरी म प्रवेश करे हे। एमा ले ए नवा मेहमान एखर संग जुड़ गे हे।
रेंजर पांडे ह बताइस कि हाथी के दल ह अभी नदी किनारे जलकुंभी होवत हुये नीरई पहाड़ी के नीचे हे। चंदा हाथी (elephent) म लगे कॉलर आईटी ले ट्रैक करे जावत हे। खेत म धान के नुकसान के जानकारी ह अभी नई आय हे। किसान म मन के जानकारी दे म शासन के तरफ ले निर्धारित मुआवजा दे जाही।
No Comment! Be the first one.