BJP के प्रदेश कार्यसमिति म 21 अऊ नेता मन ल मिले हे जगह, पढो पूरा खबर

जय जोहार…. भाजपा (BJP) के प्रदेश कार्यसमिति म 21 अऊ नेता मन ल जगह दे गे हे। एमा तीन पूर्व विधायक घलो शामिल हे। ये नेता मन के नाम ल प्रदेश अध्यक्ष विष्णुदेव साय ह आन नेता मन के रायशुमारी के बाद जोड़े हे।

कार्यसमिति के बइठक ले एक दिन पहिले रविवार के (BJP) सह कार्यालय प्रभारी छगनलाल मूंदड़ा ह सबो शामिल करे गे नवा सदस्य मन ल फोन म सूचना दे के बइठक म शामिल होय ल कहे हे। कार्यसमिति के वर्चुअल बइठक होवत हे।

जेन (BJP) नेता मन ल कार्यसमिति म जगह दे गे हे, ओमा नंदकुमार साहू, देवजी पटेल, नरेश गुप्ता, रसिक परमार, डॉ. सलीम राज, अशोक पांडेय, प्रफुल्ल विश्वकर्मा सबो रायपुर ले हे। एखर आलावा कोरबा ले अशोक चावलानी, जोगेश लांबा, पेंड्रा-गौरेला-मरवाही ले समीरा पैकरा, जशपुर ले नरेश नंदे, सरगुजा ले प्रबोध मिंज, रायगढ़ ले जगन्नाथ पाणिग्रही, गुरूपाल सिंह भल्ला, जांजगीर-चांपा ले लीलाधर सुलतानिया, धमतरी ले निरंजन सिन्हा, कोण्डागांव ले मनोज जैन, बिलासपुर ले राजेश त्रिवेदी, मुंगेली ले ठाकुर भूपेंद्र सिंह, गिरीश शुक्ला अऊ बालोद ले प्रीतम साहू ल समिति म शामिल करे गे हे।