जय जोहार…. मुख्यमंत्री भूपेश बघेल ह आज राजधानी रईपुर के पुलिस परेड मैदान म आयोजित स्वतंत्रता दिवस के मुख्य समारोह म कोरोना काल में उत्कृस्ट काम करइया 21 मनखे अउ चार ठिन सासकीय अस्पताल ल सम्मानित करीन। सीएम बघेल ह किहीन कि कोरोना के दुसरइया लहर के दउरान डॉक्टर अउ आन मेडिकल स्टॉफ ह मानवता के बड़का सेवा करे हे। ए दउरान सुरक्षा, बिजली, जलापूर्ति, परिवहन, ऑक्सीजन आपूर्ति अउ मरीज मन के इलाज जइसन जरूरी सुविधा उपलब्ध कराय म कतकोन विभाग के अधिकारी अउ कर्मचारी मन ह महत्वपूर्ण योगदान देहे।
(chhattisgarh) मुख्यमंत्री बघेल ह समारोह म डॉ. खूबचंद बघेल स्वास्थ्य सहायता योजना अउ आयुष्मान भारत प्रधानमंत्री जन आरोग्य योजना के अंतर्गत कोविड-19 पीड़ित मन ल इलाज उपलब्ध कराय म उत्तम काम बर जगदलपुर के शहीद महेन्द्र कर्मा स्मृति चिकित्सालय, बैरिस्टर छेदीलाल स्मृति जिला चिकित्सालय जांजगीर-चांपा, सिविल अस्पताल भाटापारा अउ बीजापुर जिले के कुटरू प्राथमिक स्वास्थ्य केंद्र ल सम्मानित करीन।
(chhattisgarh ) कोरोना काल म उत्कृस्ट काम बर जिला पंचायत रायपुर के उपायुक्त एच.के. जोशी, पंचायत विभाग के उप संचालक लोकनाथ साहू, उप संचालक, पंचायत कार्यालय के सहायक ग्रेड-3 पुष्पेन्द्र कंवर, डॉटा एंट्री ऑपरेटर सुश्री भारती यादव, जिला साक्षरता रायपुर के सहायक परियोजना अधिकारी चुन्नीलाल शर्मा, पं. जवाहर लाल नेहरू स्मृति चिकित्सा महाविद्यालय में माइक्रोबायोजी विभाग के प्राध्यापक डॉ. निकिता शेरवानी, वॉर्ड ब्वाय श्री शेषनारायण सेन, स्वीपर गोविंद कुमार, रायपुर के नायब तहसीलदार राकेश देवांगन, रायपुर के अतिरिक्त जिला दंडाधिकारी कार्यालय के भृत्य रोवेन्द्र तिवारी, स्वयं सेवी कोरोना वॉरियर संदीप सिरमौर, विकास अग्रवाल, बलविंद सिंग अरोरा, बलजीत सिंह चावला, तीरथ साहू, राहुल शर्मा, उप पुलिस अधीक्षक मणिशंकर चन्द्रा, निरीक्षक सोनल ग्वाला, डॉ. भीमराव अंबेडकर अस्पताल चौकी प्रभारी श्री सवना मंशाराम, अजीम प्रेमजी फाउंडेशन के सुनील शाह अउ एन.एम.डी.सी. के पंकज शर्मा ल स्वतंत्रता दिवस समारोह में प्रसस्ति-पत्र प्रदान कर सम्मानित करे गेहे।
