जय जोहार…. छत्तीसगढ़ म पिछिले 24 घंटा में कोरोना (Corona) के 2114 नवा मामला मिले हे। उहचे अस्पताल ले 370 अऊ होम आइसोलेशन ले 1431 मरीज मन ल बने होय के बाद अस्पताल ले डिस्चार्ज कर दे गे हे। जबकि 11 लोगन मन के मौत हो गे हे।
रविवार के जेन कोरोना (Corona) के नवा मरीज के पहचान होय हे, ओमा कोरबा ले 259, रायपुर ले 231, राजनांदगांव ले 144, बस्तर ले 141, रायगढ़ ले 137, जांजगीर ले 128, बालोद ले 99, बिलासपुर ले 95, दुर्ग अऊ दंतेवाड़ा ले 72-72, कांकेर ले 65, कवर्धा ले 63, धमतरी ले 61, कोरिया ले 59, सूरजपुर ले 56, महासमुंद ले 53, सरगुजा अऊ बीजापुर ले 50-50, बेमेतरा ले 44, मुंगेली ले 40, सुकमा ले 37, बलौदाबाजार ले 38, गरियाबंद ले 36, कोंडागांव ले 31, बलरामपुर ले 28, जशपुर ले 19 मरीज शामिल हे।
बता दन कि प्रदेश म कोरोना (Corona) संक्रमित मन के संख्या ह बाढ़ के 142372 हो गे हे। जेमा ले 27341 एक्टिव मामला हे। उहचे 113771 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1253 लोगन मन के मौत हो गे हे।
No Comment! Be the first one.