निर्मोही अखाड़ा के अगुवाई म 1 जनवरी के जुटही देसभर के संत- महात्मा मन
रायपुर। अपन ननिहाल म 22 साल ले ‘कइद’ भगवान राम के खबर असर देस भर होइस हे । अब साधु-संत मन ह चंदखुरी के रामलला मंदिर के ताला खोले के निरनय लिस हे। जेखर बर 1जनवरी के निर्मोही अखाड़ा के अगुवाई म देसभर क साध –संत महात्मा मन ह जुटही। उहें चित्रकूट के राजीव लोचन महाराज ह कब्जाधारी परिवार ल ताला खोले के चेतावनी दीस हे।
आप मन ह जय जोहार म खास खबर…… अपन ननिहाल 22 साल ले अपन रिहाई के बांट जोहत हे भगवान राम के खबर पोस्ट करेगे रिहिस हे। खबर म पढ़ेव हव के मां कौशल्या के जन्मस्थली ल पाछु के 22 साल ले एक सियासी दबंग परिवार के कब्जा म होए कारन मंदिर आम लोगों बर बंद हे। ए बारे म एक केस छत्तीसगढ़ हाईकोर्ट म घलो चलत हे। अब हमार खबर के असर के बाद संत अउ महात्मा मन के संग ही इतिहासकार मन घलोक मांग करिस के पुरातात्विक महत्व के ए स्थान ल सरकार के संरक्षन मिलना चाही।
एती चित्रकूट के राजीवलोचन महाराज ह कब्जाधारी परिवार ल चेतावनी देवत हुए कहिन के अगर वे स्वयं मंदिर के ताला नइ खोल ही त 1 जनवरी 2019 के निर्मोही अखाड़ा के अगुवाई म देसभर ले आए हजारों संत-महात्मा चंद्रखुरी कूच करही अउ रामलला ल आजाद कराही। संत समाज ह ए बारे म प्रधानमंत्री मोदी ले घलोक हस्तक्षेप करे के मांग करिस हे।
