जय जोहार…. पूर्व प्रधानमंत्री राजीव गांधी के जयंती के अवसर म काली गुरुवार के (chhattisgarh) कांग्रेस के सबो जिला मुख्यालय अउ ब्लाक मुख्यालय म कार्यक्रम आयोजित करे जाही। ए संबंध म प्रदेश कांग्रेस अध्यक्ष मोहन मरकाम ह निर्देश जारी करे हे।
(chhattisgarh) प्रदेश कांग्रेस अध्यक्ष मरकाम ह कहिन कि स्व. राजीव गांधी ह भारत नव निर्माण अउ विकास के जेन संकल्प ले रिहिस, ओला पूरा करे ल ह मन ल मिल जुल के पूरा शक्ति के संग जुटना होही।
स्व. राजीव गांधी के जन्मदिवस के अवसर म सबो जिला, शहर, नगर ब्लाक अउ पंचायत स्तर म कार्यक्रम के आयोजन करे जाही। 20 अगस्त के 22 जिला कांग्रेस भवन के एक संग शिलान्यास करे जाही।
ए कार्यक्रम म दिल्ली ले वेब ले कांग्रेस अध्यक्ष सोनिया गांधी, वरिष्ठ कांग्रेस नेता राहुल गांधी, (chhattiagarh) प्रदेश प्रभारी पीएल पुनिया, प्रभारी सचिव डॉ. चंदन यादव, मुख्यमंत्री निवास ले सीएम भूपेश बघेल अउ प्रदेश कांग्रेस के मुख्यालय राजीव भवन ले प्रदेश अध्यक्ष मोहन मरकाम समेत कांग्रेस के वरिष्ठ नेता मन ह वेब के माध्यम ले उपस्थित रही।
No Comment! Be the first one.