corona: छत्तीसगढ़ म फेर मिलिस कोरोना के 22 नवा मरीज, सक्रिय मामले ह बाढ़ के होइस 917

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म सनिच्चर के कोरोना (corona) के 22 नवा मरीज मिले हे। जेमा ले बलौदाबाजार ले 8, राजनांदगांव ले 8, रायपुर ले तीन, दुर्ग ले 2 अऊ धमतरी जिला ले एक मरीज शामिल हे। एखर पुष्टि ल रायपुर एम्स ह करे हे।

प्रदेश म कोरोना (corona) के कुल संक्रमित मरीज मन के संख्या ह बाढ़ के 1467 हो गे हे। जबकि एक्टिव केस ह 917 हो गे हे। ऊहचे 550 लोगन मन ह स्वस्थ होके अपन घर लहुट चुके हे। ए वायरस ले राज्य म अब तक छह लोगन मन के जान चले गे हे।