Corona: देश म पिछिले 24 घंटा म सामने आय हे 22 हजार ल जादा नवा मरीज, पढ़ो पूरा खबर

जय जोहार…. देश म बीते 24 घंटा म कोरोना (corona) के 22 हजार ले जादा नवा मामला ह सामने आय हे। उहचे इलाज के दौरान 338 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 22 हजार 889 नवा मामला मिले हे। एला मिला के कोरोना संक्रमण के मामला ह बाढ़ के 99 लाख 79 हजार 447 हो गे हे। जेमा ले 3 लाख 13 हजार 831 सक्रिय मामला हे।

उहचे 95 लाख 20 हजार 827 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 44 हजार 789 लोगन मन के जान चले गे हे।