Corona: प्रदेश म बीते 24 घंटा म सामने आय हे 220 नवा मामला, रायपुर म घलो 57 पाजिटिव
जय जोहार…. (Corona) प्रदेश म बीते 24 घंटा म कोरोना के 220 नवा मामला के पहचान होय हे। उहचे 180 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 6 संक्रमित के मौत हो गे हे।
पिछिले 24 घंटा म कोरोना (Corona) के जेन नवा मामला के पहचान होय हे, ओमा दुर्ग ले 66, रायपुर ले 57, बिलासपुर ले 16, जांजगीर-चांपा ले 14, राजनांगांव अऊ रायगढ़ ले 9-9, जशपुर ले 7, धमतरी ले 6, गरियाबंद, कोरबा अऊ सरगुजा ले 5-5, बालोद, बस्तर अऊ दंतेवाड़ा ले 3-3, बेमेतरा, कबीरधाम, महासमुंद अऊ गौरेला-पेंड्रा-मरवाही ले 2-2, कोरिया, सूरजपुर, कांकेर अऊ बीजापुर ले 1-1 मरीज सामिल हे।
बता देन कि प्रदेश म कोरोना (Corona) संक्रमण के मामला हे 3 लाख 11 हजार 900 हो गे हे। जेमा ले 2865 एक्टिव मामला हे। उहचे 3 लाख 05 हजार 214 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3821 मरीज मन के मौत हो गे हे।
