जय जोहार। देस म बीते 24 घंटा म कोरोना (corona ) के 2200 नवा मामला दर्ज करे गेहे। उहें 2184 मरीज ल बने होय के बाद अस्पताल ले डिस्चार्ज कर दे गेहे। जबकि उपचार के दउरान 65 संक्रमित के जान चले गेहे। एखर पहले शुक्रवार के 2,274 नए केस मिले रिहीन। अभी 13,652 मरीज मन के इलाज चलत हे ।
केंद्रीय स्वास्थ्य मंत्रालय के अनुसार देस म अब तक 4.31 करोड़ ले जादा मनखे ह कोरोना (corona ) ले संक्रमित हो चुके हे। जबकि 4.25 करोड़ मरीज कोरोना ल मात दे दे हे, जेखर बाद ओमन ल अस्पताल ले डिस्चार्ज कर दे गेहे। जबकि 5 लाख ले जादा मनखे मन के मउत हो गेहे।
देस म बीते 24 घंटा म सबले जादा 558 नवा मामला केरल म मिले हे। (corona ) जबकि 62 मरीज के जान चले गेहे। राज्य म अब तक 69,543 संक्रमित के मउत हो गेहे अउ 2941 मरीज के इलाज चलत हे। केरल के बाद सबले जादा नवा मरीज दिल्ली म सामने आय हे । शनिवार के इहाँ 469 केस मिले हे।
