Corona: प्रदेश म बीते 24 घंटा म सामने आय हे 2272 नवा मामला, 14 लोगन मन के हो गे मौत
जय जोहार…. छत्तीसगढ़ म कोरोना (Corona) संक्रमित मरीज मन के संख्या ह सरलघा बाढ़त जावत हे। प्रदेश म पिछिले 24 घंटा म कोरोना के 2272 मरीज मन के पहचान होय हे।
उहचे 589 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 14 लोगन मन के मौत हो गे हे।
गुरुवार के जेन कोरोना (Corona) के नवा मरीज मिले हे, ओमा रायपुर ले 410, बिलासपुर ले 244, दुर्ग ले 201, दंतेवाड़ा ले 169, कांकेर ले 128, बस्तर ले 116, राजनांदगांव अऊ धमतरी ले 113-113, बलौदाबाजार ले 91, सरगुजा ले 68, मुंगेली ले 66, जांजगीर ले 51, बीजापुर अऊ कोरबा ले 50-50, बेमेतरा अऊ सुकमा ले 46-46, बालोद अऊ कबीरधाम ले 45-45, महासमुंद अऊ गरियाबंद ले 44-44, कोंडागांव ले 36, सूरजपुर ले 33, बलरामपुर ले 31, नारायणपुर ले 12 मरीज शामिल हे।
बता दन कि प्रदेश म कोरोना (Corona) संक्रमित मरीज मन के संख्या ह बाढ़ के 95623 हो गे हे। जेमा ले 36038 एक्टिव मामला हे। उहचे 41058 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 752 लोगन मन के मौत हो गे हे।
