Corona : छत्तीसगढ़ म सरलघा बाढ़त हे कोरोना संक्रमण, फेर मिले हे 23 संक्रमित, रायपुर म ही 11 पाजिटिव

जय जोहार…. प्रदेश म कोरोना (corona) संक्रमण ह सरलघा बाढ़त जावत हे। राज्य के संगेसंग राजधानी रायपुर म घलो कोरोना संक्रमित मरीज मन के संख्या म बढ़ोतरी देखे ल मिलत हे। रविवार के फेर राज्य म 23 नवा कोरोना (corona) पाजिटिव मरीज मिले हे। एखर पुष्टि ल एम्स प्रबंधन ह करे हे।

अभी जेन 23 नवा संक्रमित मरीज मिले हे, ओमा रायपुर ले 11, दुर्ग ले 6, कबीरधाम ले 3, जांजगीर-चांपा ले 2 अऊ कोरबा ले एक मरीज शामिल हे। एखर मन के पाजिटिव आय के बाद कोविड-19 अस्पताल म भर्ती करे के प्रक्रिया ह चलत हे।

बता देन कि रविवार के एखर पहले प्रदेश म आज कोरोना (corona) के 59 मरीज के पहचान होय रहिस। जेमा ले राजधानी रायपुर के 36 मरीज शामिल रहिस। अब फेर 11 नवा मरीज मिले हे। कुल मिला के रविवार के राजधानी रायपुर म 47 मरीज ह सामने आ चुके हे।