corona : प्रदेस म आज मिले हे कोरोना के 23 नवा मामला, रईपुर म घलो 5 पॉजिटिव

जय जोहार… (corona) प्रदेस म आज कोरोना के 23 नवा मरीज के पहिचान होय हे। उहें 28 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, राजनांदगांव ले 3, रईपुर ले 5, बलौदाबाजार ले 2, बिलासपुर ले 2, रायगढ़ ले 1, कोरबा ले 1, जांजगीर-चांपा ले 2, कोरिया ले 1, जशपुर ले 2, कांकेर ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 820 हो गे हे, जेमा ले 391 एक्टिव मामला हे। उहें 9 लाख 90 हजार 871 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13558 मरीज के जान चले गे हे।