Corona: धमतरी जिला म सरलघा बाढ़त हे कोरोना, मिले हे 23 नवा मामला, एक मरीज के हो गे मौत
जय जोहार। धमतरी जिला म कोरोना (Corona) संक्रमित मन के संख्या ह कम होय के नाम नई लेवत हे। जिला म आज कोरोना के 23 नवा मामला ह सामने आय हे। उहचे इलाज के दौरान एक संक्रमित के मौत हो गे हे।
मिले जानकारी के मुताबिक धमतरी के जिला अस्पताल म (Corona) रैपिड एंटीजन किट ले 40 ले जादा लोगन मन के कोरोना जांच करे गे हे। जेमा करीब 10 पाजिटिव मरीज मिल चुके हे। एखर आलावा नगर ब्लाक ले 6, कुरुद ब्लाक के भखारा ले 7 संक्रमित मिले हे। उहचे इतवार के कोविड-19 अस्पताल म एक 76 साल के बुजुर्ग के मौत हो गे।
बतावत जात हे कि बुजुर्ग ल कोरोना (Corona) पाजिटिव आय के बाद सनिच्चर के भर्ती करे गे रहिस, जेखर आज इलाज के दौरान मौत हो गे। एखर पुष्टि ल मुख्य चिकित्सा अऊ स्वास्थ्य अधिकारी डॉ डीके तुर्रे ह करे हे। डॉ तुर्रे ह बताइस कि बनियापारा निवासी बुजुर्ग ह डायबिटीज हाइपरटेंशन ले पीडित रहिस, जेखर आज बिहिनिया मौत हो गे।
