Bijapur: ए राज्योत्सव बिजली के रौशनी ले जगमग होही बीजापुर के 23 गांव, पढो पूरा खबर

जय जोहार…. सीएम भूपेश बघेल राज्योत्सव के अवसर म बीजापुर (Bijapur) म नवनिर्मित 132/33 केवी उपकेंद्र अऊ 87.5 किलोमीटर लंबी 132 केवी बारसूर-बीजापुर लाइन के लोकार्पण करही।

ए परियोजना ल (Bijapur) छत्तीसगढ़ स्टेट पावर ट्रांसमिशन कंपनी लिमिटेड के तरफ ले 91.82 करोड़ रुपया के लागत ले पूरा करे गे हे। एखर ले प्रदेश के दूरस्थ वनांचल क्षेत्र बीजापुर के लगभग 23 गांव ल पूरा बिजली मिल सकही।

132 केवी उपकेंद्र बीजापुर (Bijapur) के सुरू होय ले नेमैड़, मदेड़, जांगला, धतोरा, नुकनपाल, छोटे तुंगोली, बरदेला, गदामली, मींगाचल, दुगोली, मुसालर, नेलसनार, कुदोली, पातरपारा, पुसनार, भैरमगढ़, धुसावढ़, कर्रेमरका, बेलचर, जैवारम, टीन्डोडी, माटवाड़ा अऊ कोतरापाल ह बिजली ले पुरा तरह रौशन हो जाही।