corona: प्रदेश म फेर कोरोना के 230 नवा मरीज के होइस पहचान, राजधानी म सबले जादा 70 संक्रमित

जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म आज कोरोना के 230 नवा मामला ह सामने आय हे।

उहचे 116 मरीज मन ल बने होय के बाद अलग-अलग कोविड अस्पताल ले डिस्चार्ज कर दे गे हे।

आज जेन कोरोना (corona) 230 के नवा मरीज मिले हे, ओमा रायपुर ले 70, सुकमा ले 36, दुर्ग ले 28, कांकेर ले 15, जांजगीर-चांपा ले 13, मुंगेली ले 11, बीजापुर अउ रायगढ़ ले 9-9, बिलासपुर ले 7, गरियाबंद अउ बस्तर ले 6-6, नारायणपुर ले 5, बेमेतरा अउ महासमुंद ले 3-3, राजनांदगांव, बालोद अउ कोंडागांव ले 2-2, सुरजपुर, सरगुजा अउ जशपुर ले 1-1 मरीज शामिल हे।

बता देन कि प्रदेश म कोरोना (corona) संक्रमित मरीज मन के कुल संख्या ह 5968 पहुंच गे हे। जेमा ले 1709 सक्रिय मामला हे।

उहचे 4230 मरीज ह कोरोना ले जंग जीत गे हे, जेखर बाद ओ मन ल अलग-अलग अस्पताल ले छुट्‌टी दे दे गे हे। ए वायरस ले अब तक प्रदेश म 29 लोगन मन के मौत हो गे हे।