Corona: प्रदेश म पिछिले 24 घंटा म सामने आय हे 2376 नवा मामला, 16 लोगन मन के हो गे मौत

जय जोहार…. प्रदेश म पिछिले 24 घंटा म कोरोना (Corona) के 2376 नवा मामला मिले हे। उहचे 2439 मरीज मन ल स्वस्थ होय के बाद डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।

सोमवार के जेन कोरोना (Corona) के नवा मरीज मिले हे, एमा जांजगीर ले 200, दुर्ग ले 191, बिलासपुर ले 195, रायगढ़ ले 172, कोरबा ले 108, रायपुर ले 196, बलौदबाजार ले 104, राजनांदगांव ले 81, बालोद ले 86, बेमेतरा ले 36, कबीरधाम ले 34, धमतरी ले 86, महासमुंद ले 67, गरियाबंद ले 18, मुंगेली ले 66, जीपीएम ले 12, सरगुजा ले 42, कोरिया ले 70, सूरजपुर ले 89, बलरामुर ले 46, जशपुर ले 55, बस्तर ले 94, कोंडगांव ले 49, दंतेवाड़ा ले 83, सुकमा ले 42, कांकेर ले 84, नारायणपुर ले 8 अऊ बीजापुर ले 57 मरीज शामिल हे।

बता देन कि राज्य म कोरोना (Corona) संक्रमण के मामला ह बाढ़ के 162772 पहुंच गे हे। जेमा ले 25979 एक्टिव मामला हे। उहचे 135259 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1534 लोगन मन के मौत हो गे हे।