Raipur म काली ले सांसद खेल महोत्सव, अंतर्राष्ट्रीय पहलवान कृपा शंकर पटेल ह करही उद्घाटन

जय जोहर। रायपुर म काली ले पहली घांव सांसद खेल महोत्सव के आयोजन करे जात हे । खेल महोत्सव के उद्घाटन अंतर्राष्ट्रीय कुश्ती खिलाड़ी अउ दंगल फिलीम म अमीर खान ल प्रशिक्षण देवइया कृपा शंकर पटेल करही। रायपुर लोकसभा के सांसद सुनील सोनी ह आज पत्रकार ले चर्चा करत हुए बताइन कि सांसद खेल महोत्सव म कबड्डी, खो-खो, वालीबाल, फूटबाल अउ 100 मीटर दौड़, 200 मीटर दौड़, गोला फेंक अउ तवा फेंक के आयोजन करे गेहे ।
सबो टीम गेम म 9 ले 12 तक के बालक अउ बालिका के टीम हिस्सा लेही ।

अइसने व्यक्तिगत खेल बर दू ठीन अलग अलग वर्ग रखे गेहे । पहला वर्ग अंडर 16 अउ दूसरा अंडर 19 होही। व्यक्तिगत स्पर्धा म घलो बालक अउ बालिका वर्ग रखे गेहे । सांसद श्री सोनी ने बताइन कि सांसद खेल महोत्सव के उद्घाटन समारोह म मुख्य अतिथि पूर्व मुख्यमंत्री डॉ रमन सिंह होही । उद्घाटन अंतर्राष्ट्रीय कुश्ती खिलाड़ी कृपा शंकर पटेल ह करही । समारोह के विशेष अतिथि विधायक अउ पूर्व कैबिनेट मंत्री बृजमोहन अग्रवाल होही ।