रायपुर । कांग्रेस के राष्ट्रीय अध्यक्ष राहुल गांधी 24 अप्रैल के छत्तीसगढ़ आही। ये दाउरान राहुल गांधी आगामी चुनाव ल लेके अहम बइठक ले सकत हे। खबर हे कि राहुल गांधी कांग्रेसी कार्यकर्ता मन ले सोझे बात घलो करही।
छत्तीसगढ़ म ये बरस के आखिर म विधानसभा चुनाव होवय्या हे। ये तैयारी बर राहुल गांधी प्रदेश के आला कांग्रेसी नेता मन के संग बइठक करही। एखर अलावा अलग-अलग संभाग के कार्यकर्ता मन ले सोझे बात घलो कर सकत हे। कांग्रेस अध्यक्ष राहुल गांधी के दउरा की रूपरेखा अउ तैयारी मन म विचार करे बर कांग्रेस भवन रायपुर म प्रदेश कांग्रेस के पदाधिकारी मन, वरिष्ठ नेता मन अउ राजीव गांधी पंचायती राज संगठन के पदाधिकारी मन के बइठक आज 11:00 बजे काँग्रेस भवन रायपुर म आयोजित करिस हे। ये बइठक म प्रदेश कांग्रेस अध्यक्ष भूपेश बघेल अउ नेता प्रतिपक्ष टीएस सिंहदेव मवजूद रहही।
