24 के संझा या फेर 25 के बिहनिया मंत्रिमंडल के सदस्य मन के सपथ ग्रहन समारोह  …… काली राज्यपाल ले समय लिही भूपेश ह

रायपुर। दू दिवसीय दिल्ली दउरा के बाद मुख्यमंत्री भूपेश बघेल काली बिहनिया  विसेस विमान ले रायपुर पहुंचही। बताए जात हे के मुख्यमंत्री भूपेश बघेल अपन मंत्रिमंडल के विस्तार  बर राहुल गांधी समेत पार्टी के अन्य नेता मन ले विचार विमर्श कर लेहे।  उहें मिले जानकारी म 24 संझा या 25 के बिहनियां नवां मंत्री मन सपथ लिही।

मुख्यमंत्री भूपेश बघेल काली बिहनियां करीब साढ़े 10.30 बजे स्वामी विवेकानंद एयरपोर्ट पहुंचही। रायपुर लउटे के बाद मुख्यमंत्री राज्यपाल आनंदीबेन पटेल ले मुलाकात कर सपथ ग्रहन बर समय निर्धारित करही। मिले जानकारी म  मध्यप्रदेस म कमलनाथ के मंत्रिमंडल का सपथ ग्रहन 25 दिसंबर के दुपहर तीन बजे तय करे गेहे। एखर बाद राज्यपाल आनंदीबेन पटेल ह एक सप्ताह के अवकास म चले जाही। एखर सेती माने जात हे के 24 दिसंबर के संझा या फेर 25 दिसबंर के बिहनिया भूपेश मंत्रिमंडल के नवां सदस्य मन के सपथ ग्रहन समारोह आयोजित करे जाता हे।