Raipur: तंग गली म गुल गोटी ले जुआ खेलत 24 जुआरी मन पकड़ाईस, 10 लाख रुपया होइस जब्त

जय जोहार…. रायपुर (Raipur) के मोमीनपारा के तंग गली म गुल गोटी ले जुआ खेलत 24 जुआरी मन ल पुलिस ह गिरफ्तार करे हे। एखर मन करा ले करीब 10 लाख रुपया जब्त करे गे हे। आरोपी मन के विरुद्ध आजाद चौक थाना म धारा 13 जुआ एक्ट के तहत अपराध पंजीबद्ध करे गे हे।

मिले जानकारी के मुताबिक (Raipur) पुलिस ल सनिच्चर देर रात के सूचना मिलिस कि मोमीनपारा म कुछु लोगन मन ह जुआ खेलत हे। ए सूचना म अतिरिक्त पुलिस अधीक्षक शहर लखन पटले के नेतृत्व म विशेष टीम के गठन करे गिस।

एखर बाद मुखबिर के बताए स्थान म जा के छापामार कार्रवाई करे गिस। ((Raipur)) ए दौरान 24 जुआरी मन ल जुआ खेलत गिरफ्तार कर ले गिस। जुआरी मन करा ले 10 लाख 10 हजार 280 रुपया नगद, 23 मोबाइल अऊ गुल गोटी ल जब्त करे गिस।