corona: प्रदेस म आज मिले हे कोरोना के 24 नवा मरीज, रईपुर म घलो 4 पॉजिटिव, पढ़व

जय जोहार… (corona) प्रदेस म आज कोरोना के 24 नवा मरीज के पहिचान होय हे। उहें 37 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 1, रईपुर ले 4, बलौदाबाजार ले 2, बिलासपुर ले 6, कोरबा ले 2, जांजगीर-चांपा ले 1, सरगुजा ले 1, कोरिया ले 1, सूरजपुर ले 1, जशपुर ले 3, सुकमा ले 1, कांकेर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 635 हो गे हे, जेमा ले 368 एक्टिव मामला हे। उहें 9 लाख 90 हजार 711 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13556 मरीज के जान चले गे हे।