Corona : देश म 24 घंटा म मिलिस कोरोना के 24 हजार ले जियादा नवा मरीज, 487 लोगन मन के होइस मौत
जय जोहार…. देश म कोरोना (corona) के रफ्तार ह तेजी ले बाढ़त हे। पिछले 24 घंटा म कोरोना के 24879 नवा मामले ह सामने आय हे।
ए दौरान 487 संक्रमित लोगन मन के मौत हो गे हे। केन्द्रीय स्वास्थ्य मंत्रालय ले जारी आकड़ा के मुताबिक देश म कोरोना (corona) संक्रमित मरीज मन के कुल संख्या ह 7 लाख 67 हजार 296 हो गे हे।
जबकि कोरोना संक्रमण के एक्टिव मामले ह 2 लाख 69 हजार 789 हे। ऊहचे 4 लाख 76 हजार 378 लोगन मन ह कोरोना ल मात दे के अपन घर लहुट चुके हे।
ए वायरस ले देश म अब तक 21129 लोगन मन के मौत हो गे हे। कोरोना (corona) ले सबले जियादा प्रभावित राज्य महाराष्ट्र है,
जिहां पिछले 24 घंटा म संक्रमण के 6603 नवा मामले मिले हे। जेखर ले संक्रमित मन के संख्या ह 2 लाख 23 हजार 724 हो गे हे। ए वायरस ले 9448 लोगन मन के जान चले गे हे।
ए राज्य म 1 लाख 23 हजार 192 लोगन मन ल स्वस्थ होय के बाद अस्पताल ले डिस्चार्ज कर दे गे हे।
