corona : देस म 24 घंटा म होय हे कोरोना के 24 हजार ले जादा नवा मरीज के पहचान, पढ़व

जय जोहार…. देस म पिछले 24 घंटा म कोरोना (corona ) के 24 हजार ले जादा नवा मरीज सामने आय हे। उहें 42 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 492 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 24 हजार 818 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 27 लाख ले जादा हो गेहे। जेमा ले 2 लाख 83 हजार ले जादा एक्टिव मामला हे।

उहें 4 करोड़ 19 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 10 हजार 905 मरीज के मउत हो गेहे।