जय जोहार…. (Corona) प्रदेश म कोरोना संक्रमण के मामला ह तेजी ले बाढ़त जावत हे। प्रदेश म बीते 24 घंटा म कोरोना के 2434 नवा मरीज मिले हे। उहचे इलाज के दौरान 10 लोगन मन के मौत हो गे हे।
आज जेन कोरोना (Corona) के नवा मरीज के पहचान होय हे, ओमा रायपुर ले 748, दुर्ग ले 292, बस्तर ले 187, राजनांदगांव ले 162, दंतेवाड़ा ले 118, धमतरी ले 112, बालोद ले 83, सुकमा ले 70, सरगुजा ले 60, बलरामपुर ले 53, बिलासपुर ले 52, रायगढ़ अऊ बीजापुर ले 51-51, बेमेतरा ले 49, सूरजपुर ले 48, महासमुंद ले 47, कबीरधाम ले 44, गरियाबंद ले 42, जांजगीर ले 35, कांकेर ले 28, मुंगेली ले 26, नारायणपुर ले 22, जशपुर ले 17, कोंडागांव ले 16, कोरबा ले 13, बलौदाबाजार अऊ जीपीएम ले 2-2 मरीज शामिल हे।
बता दन कि प्रदेश म कोरोना (Corona) संक्रमित मन के संख्या ह बाढ़ के 93351 पहुंच गे हे। जेमा ले 35850 एक्टिव मामला हे। उहचे 56773 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 728 लोगन मन के मौत हो गे हे।
