जय जोहार…. प्रदेश म आज कोरोना (Corona) के 2437 नवा मरीज मिले हे। उहचे 5941 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 64 मरीज के मौत हो गे हे।
कोरोना (Corona) के आज जेन नवा मरीज मिले हे, ओमा रायगढ़ ले 154, रायपुर ले 61, बलौदाबाजार ले 117, जांजगीर-चांपा ले 162, सूरजपुर ले 232, सरगुजा ले 175, कोरबा ले 130, मुंगेली ले 62, बलरामपुर ले 127, बिलासपुर ले 74, जशपुर ले 165, कोरिया ले 125, महासमुंद ले 86, कांकेर ले 41, दुर्ग ले 58, बस्तर ले 103, राजनांदगांव ले 30, गरियाबंद ले 38, बालोद ले 58, गौरेला-पेंड्रा-मरवाही ले 43, कबीरधाम ले 26, धमतरी ले 66, बेमेतरा ले 24, कोंडागांव ले 52, दंतेवाड़ा ले 47, सुकमा ले 50, बीजापुर ले 105, नारायणपुर ले 26 नवा मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 9 लाख 67 हजार 645 हो गे हे। जेमा ले 42 हजार 914 एक्टिव मामला हे। उहचे 9 लाख 11 हजार 752 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 12979 मरीज के मौत हो गे हे।
