Corona: प्रदेश म पिछिले 24 घंटा म बाढ़ गे 2450 नवा मामला, राजधानी म घलो 202 पाजिटिव
जय जोहार…. छत्तीसगढ़ म पिछिले 24 घंटा म कोरोना (Corona) के 2450 नवा मामला सामने आय हे। उहचे 2440 मरीज मन ल स्वस्थ होय के बाद अलग-अलग अस्पताल ले छुट्टी दे दे गे हे। जबकि इलाज के दौरान 8 लोगन मन के मौत हो गे हे।
शुक्रवार के कोरोना (Corona) के जेन नवा मरीज मिले हे, ओमा जाजंगीर-चांपा ले 226, कोरबा ले 225, रायपुर ले 202, दुर्ग ले 197, रायगढ़ ले 182, राजनांदगांव ले 120, बिलासपुर ले 114, बस्तर ले 93, बलौदाबाजार ले 28, दंतेवाड़ा ले 81, महासमुंद ले 77, कांकेर ले 75, कोडागांव ले 69, धमतरी ले 69, मुंगेली ले 65, बालोद ले 62, सूरजपुर ले 60, कोरिया ले 58, गरियाबंद ले 57, सरगुजा ले 55, कवर्धा ले 52, जशपुर ले 46, बीजापुर ले 45, बलरामपुर ले 43, बेमेतरा ले 42, सुकमा ले 35, नारायणपुर ले 7, गौरेला-पेंड्रा-मरवाही ले 5 अऊ आन जिला ले 3 मरीज शामिल हे।
बता दन कि प्रदेश म कोरोना (Corona) संक्रमण के मामला ह बाढ़ के 172580 हो गे हे। जेमा ले 24620 एक्टिव मामला हे। उहचे 146444 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1738 लोगन मन के मौत हो गे हे।
