corona update : देस म बीते 24 घंटा म बाढ़गे कोरोना के 2481 नवा मरीज, 13 संक्रमित के होगे मउत

जय जोहार। देस म बीते 24 घंटा म कोरोना (corona update) के 2481 नवा मामला के पहचान होय हे, जबकि इलाज के दउरान 13 मरीज के मउत होगे हे। उहें एक्टिव मामला ह घटके 17691 हो गेहे। देस म शनिवार के कोरोना के 1913 नवा मरीज मिले रिहीस

केंद्रीय स्वास्थ्य मंत्रालय ले जारी आकड़ा के मुताबिक देस म पिछले 24 घंटा म 2,878 मरीज ह कोरोना ल मात दे दे हे, जेखर बाद ठीक होवइया मरीज के संख्या ह 4 करोड़ 25 लाख ले जादा पहुंच गेहे, जबकि ए वायरस ले अब तक 5 लाख 24 हजार ले जादा संक्रमित के मउत हो गेहे ।

देस के राजधानी दिल्ली म बीते 24 घंटा म कोरोना के 613, महाराष्ट्र म 255, हरियाणा म 302 नवा मामला दर्ज करे गेहे।