छत्तीसगढ़ के 900 मजदूर मन ल लेके आज शाम झारखण्ड ले रवाना होही 25 बस

जय जोहार…. लॉकडाउन के सेति छ्त्तीसगढ़ ले करीब 900 मजदूर, श्रमिक अऊ नागरिक ह झारखण्ड म फंसे हे। ओखर वापसी बर आज शाम के 25 बस ह झारखण्ड ले रवाना होही।

रायपुर जिला के प्रभारी कलेक्टर सौरभ कुमार ह बताइस कि झारखण्ड के अइसे मजदूर, श्रमिक अऊ नागरिक मन जेन वर्तमान म छत्तीसगढ़ म फंसे हे, वे अपन वापसी बर स्थानीय जिला प्रशासन ले तुरते समन्वय कर सकत हे। जेखर ले ओ मन ल रायपुर समेत आन जिला मुख्यालय आवत बस के माध्यम ले वापस झारखण्ड भेजे जा सके।