जय जोहार…. प्रदेश म बीते 24 घंटा म कोरोना (corona) के 2507 नवा मामला ह सामने आय हे। उहचे 378 मरीज मन ल अस्पताल अऊ 2288 ल होम आईसोलेशन ले डिस्चार्ज कर दे गे हे। जबकि इलाज के दौरान 10 लोगन मन के मौत हो गे हे।
मंगलवार के जेन कोरोना (corona) के नवा मरीज मिले हे, ओमा कोरबा ले 287, रायगढ़ ले 182, जांजगीर ले 245, रायपुर ले 180, दुर्ग ले 120, राजनांदगांव ले 149, बालोद ले 95, बेमेतरा ले 43, कबीरधाम ले 46, धमतरी ले 82, बलौदाबाजार ले 66, महासमुंद ले 47, गरियाबंद ले 6, बिलासपुर ले 137, मुंगेली ले 33, गौरेला-पेंड्रा-मरवाही ले 24, सरगुजा ले 65, कोरिया ले 36, सूरजपुर ले 68, बलरामपुर ले 20, जशपुर ले 54, बस्तर ले 107, कोंडागांव ले 76, दंतेवाड़ा ले 70, सुकमा ले 39, कांकेर ले 74, नारायणपुर ले 9. बीजापुर ले 66 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ के 165279 हो गे हे। जेमा ले 25709 एक्टिव मामला हे। उहचे 137986 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से अब तक 1584 लोगन मन के मौत हो गे हे।
