corona : देस म 24 घंटा म मिले हे कोरोना के 25166 नवा मरीज, 437 संक्रमित के होगे मउत

जय जोहार…. (corona) देस म बीते 24 घंटा म कोरोना के 25 हजार ले जादा नवा मामला सामने आय हे । उहें 36830 मरीज मन ह कोरोना ल मात दे दे हे, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 437 संक्रमित मन के मउत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 25 हजार 166 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 22 लाख 50 हजार 679 हो गे हे। जेमा ले 3 लाख 69 हजार 846 एक्टिव मामला हे।

उहें 3 करोड़ 14 लाख 48 हजार 754 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 32 हजार 079 मरीज के मउत हो गे हे।