Corona: प्रदेश म पिछिले 24 घंटा म मिले हे कोरोना के 254 नवा मामला, रायपुर म घलो 71 पाजिटिव

जय जोहार…. प्रदेश म बीते 24 घंटा म कोरोना (Corona) के 254 नवा मामला दर्ज करे गे हे। उहचे 273 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 4 संक्रमित के मौत हो गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 71, रायगढ़ ले 39, दुर्ग ले 28, बिलासपुर ले 16, गरियाबंद ले 12, कोरिया ले 11, सूरजपुर ले 10, जशपुर ले 9, कोरबा अऊ बस्तर ले 8-8, राजनांदगांव ले 7, महासमुंद ले 6, धमतरी, मुंगेली अऊ कांकेर ले 5-5, बालोद अऊ बलौदाबाजार ले 4-4 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 08 हजार 472 हो गे हे। जेमा ले 3475 एक्टिव मामला हे। उहचे 3 लाख 01 हजार 238 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3759 संक्रमित के मौत हो गे हे।