जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म बीते 24 घंटा म कोरोना के 2551 नवा मरीज के पहचान होय हे। उहचे 678 मरीज मन ल बने होय के बाद डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।
गुरुवार के जेन कोरोना (corona) के नवा मरीज मिले हे, ओमा रायपुर ले 358, रायगढ़ ले 351, जांजगीर ले 244, दुर्ग ले 190, राजनांदगांव ले 122, बालोद ले 110, बिलासपुर ले 121, कोरबा ले 116, दंतेवाड़ा ले 139, बेमेतरा ले 33, कबीरधाम ले 44, धमतरी ले 78, बलौदाबाजार ले 53, महासमुंद ले 40, गरियाबंद ले 37 मरीज शामिल हे।
बता दन कि प्रदेश म कोरोना (corona) संक्रमित मरीज मन के संख्या ह बाढ़ के 116153 पहुंच गे हे। जेमा ले 30468 एक्टिव मामला हे। उहचे 84699 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 986 लोगन मन के मौत हो गे हे।
