Corona: प्रदेश म पिछिले 24 घंटा म होय हे 256 नवा मरीज के पहचान, रायपुर म घलो 72 पाजिटिव
जय जोहार…. (Corona) प्रदेश म पिछिले 24 घंटा म कोरोना के 256 नवा मामला सामने आय हे। उहचे 106 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 7 मरीज के मौत हो गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 72, दुर्ग ले 47, बिलासपुर ले 34, राजनांदगांव ले 15, जशपुर ले 11, कोरबा अऊ जांजगीर-चांपा ले 9-9, कोरिया ले 7, रायगढ़ अऊ कांकेर ले 6-6, बलौदाबाजार अऊ सरगुजा ले 5-5, बालोद, धमतरी अऊ सूरजपुर ले 4-4, बेमेतरा, कोंडागांव अऊ दंतेवाड़ा ले 3-3, महासमुंद, गरियाबंद, मुंगेली अऊ बस्तर ले 2-2, बलरामपुर ले 1 मरीज सामिल हे।
बता दें कि प्रदेश म कोरोना (Corona) संक्रमित मन के संख्या ह 3 लाख 12 हजार 816 हो गे हे। जेमा ले 2880 एक्टिव मामला हे। उहचे 3 लाख 06 हजार 094 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3842 मरीज मन के मौत हो गे हे।
