जय जोहार…. छत्तीसगढ़ म बीते 24 घंटा म कोरोना (corona) के 259 नवा मरीज सामने आय हे। उहचे 176 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 3 संक्रमित के मौत हो गे हे।
पिछिले 24 घंटा म जेन कोरोना (corona) के नवा मरीज मिले हे, ओमा रायपुर ले 87, दुर्ग ले 49, कोरिया ले 17, रायगढ़ ले 14, बिलासपुर अऊ राजनांदगांव ले 11-11, सरगुजा अऊ जशपुर ले 9-9, महासमुंद ले 8, बस्तर ले 7, धमतरी ले 6, बलौदाबाजार, गरियाबंद अऊ सूरजपुर ले 5-5, बालोद ले 4, कोरबा ले 3, जांजगीर-चांपा अऊ कांकेर ले 2-2 मरीज सामिल हे।
बता देन कि प्रदेश म कोरोना (corona) संक्रमण के मामला ह 3 लाख 10 हजार 469 हो गे हे। जेमा ले 3059 एक्टिव मामला हे। उहचे 3 लाख 03 हजार 637 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3793 लोगन मन के मौत हो गे हे।
