Corona: प्रदेश म आज मिलिस कोरोना के रिकार्ड 2599 नवा मामला, 22 लोगन मन के हो गे मौत

जय जोहार…. छत्तीसगढ़ म कोरोना (Corona) संक्रमित मरीज मन के संख्या ह कम होय के नाम नई लेवत हे। आज देर रात प्रदेश म कोरोना के 911 नवा मरीज मिले हे। एखर पहिले देर शाम कोरोना के 1688 नवा मरीज के पहचान होय हे।

प्रदेश म शुक्रवार के कोरोना के 2599 नवा मरीज मिले हे। उहचे 658 मरीज मन ल स्वस्थ होय के बाद अस्पताल ले छुट्टी दे दे गे हे। जबकि इलाज के दौरान 22 लोगन मन के मौत हो गे हे।

आज देर रात जेन कोरोना (Corona) के नवा मरीज मिले हे, ओमा रायपुर ले 298, राजनांदगांव ले 127, दुर्ग ले 101, कोरबा ले 73, दंतेवाड़ा ले 37, महासमुंद ले 36, धमतरी ले 33, रायगढ़ ले 32, सूरजपुर ले 31, बस्तर ले 30, कांकेर ले 29, सुकमा ले 20, जांजगीर-चांपा ले 19, मुंगेली ले 11, बेमेतरा अऊ कबीरधाम ले 9-9, कोरिया ले 4, बिलासपुर, सरगुजा, जशपुर ले 2-2, गरियाबंद ले 1, आन राज्य ले 5 मरीज शामिल है।

बता दन कि राज्य म कोरोना (Corona) संक्रमित मन के कुल संख्या ह बाढ़ के 40634 हो गे हे। जेमा ले 20689 एक्टिव मामला हे। उहचे 19608 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 337 लोगन मन के मौत हो गे हे।